2019թ․ սեպտեմբերի 13-ին, ժամը 14։30-ին «EREVAN EXPO»-ի №1 ցուցահանդեսային համալիրում (Հայաստան, ք․Երևան, Հ․Հակոբյան 3) տեղի ունեցավ Երևանյան Բիզնես Համաժողով 2019, որը նվիրված էր Ռուսաստանի Դաշնության և Հայաստանի Հանրապետության միջև տնտեսական հարաբերությունների զարգացմանը։ Միջոցառումը կայացավ «Armenia EXPO» միջազգային տարածաշրջանային ունիվերսալ առևտրաարդյունաբերական ցուցահանդեսային ֆորումի շրջանակներում։
Տվյալ նախագիծը իրականացվում է «Իվենթսենթր» ընկերության կողմից, Հայաստանի Հանրապետության Առևտրաարդյունաբերական պալատի և Հայաստանի Հանրապետության արտադրողների և դիստրիբյուտորների Ասոցիացիայի աջակցությամբ՝ Կրասնոդարի մարզի Փոքր և միջին բիզնեսի ներդրումների և զարգացման վարչության, Կրասնոդարի և Պենզայի մարզերի Արտահանման զարգացման կենտրոնների, Բաշկորտոստանի Հանրապետության Արտահանմանը ուղղված փոքր և միջին ձեռնարկությունների աջակցման համակարգման կենտրոնի և Րյազանի մարզի Արտահանմանը ուղղված ձեռնարկությունների աջակցման համակարգման կենտրոնի նախաձեռնությամբ։
Նախագծի նպատակն է աջակցել տարբեր տարածաշրջանների ձեռնարկատերերի միջև ուղղակի փոխշահավետ արտադրական և առևտրային համագործակցության հաստատմանը։
Արտասահմանյան պատվիրակությունների կազմում Հայաստան են ժամանել ՌԴ Բաշկորտոստանի Հանրապետության, Կրասնոդարի մարզի, Ռյազանի և Պենզայի շրջանների 20 ձեռնարկությունների ներկայացուցիչներ, այդ թվում ՝
Արտասահմանյան բիզնեսի ներկայացուցիչների համար կազմակերպվել են երկկողմ հանդիպումներ հայկական ընկերությունների հետ B2B ձևաչափով, իրականացվել են այցելություններ Հայաստանի պրոֆիլային ձեռնարկություններ՝ արտադրական ու առևտրային հնարավորությունները գնահատելու և համագործակցության մանրամասները քննարկելու նպատակով, փորձի փոխանակման և արդյունաբերական համագործակցության նպատակով և այլն։ Միջոցառման շրջանակներում նաև իրականացվել են քննարկումներ «Արտահանում ենք Հայաստան» թեմայի շուրջ, որտեղ ներկայացվել են տարբեր երկրների արտադրողների համար իրենց ապրանքների հայկական շուկա մուտք գործելու և առաջխաղացումը ապահովելու էականորեն պարզեցված հնարավորությունները։
ՖՈՏՈՌԵՊՈՐՏԱԺ
