ՌԴ Ալթայի մարզի ձեռնարկությունների բիզնես առաքելությունը ՀՀ

2021 թվականի հուլիսի 12-ից 14-ն ընկած ժամանակահատվածում Հայաստանի Հանրապետությունում տեղի ունեցավ Ալթայի մարզի փոքր և միջին բիզնեսի ներկայացուցիչների պատվիրակության գործարար առաքելությունը Հայաստանի Հանրապետություն:

Նախագիծը «Ալթայի փոքր և միջին բիզնեսի զարգացման հիմնադրամ» ոչ առևտրային կազմակերպության պատվերով իրականացրել է Իվենթսենթր ընկերությունը՝ Հայաստանի Հանրապետության առևտրաարդյունաբերական պալատի աջակցությամբ:

Միջոցառման շրջանակներում ներկայացվեցին մարզերի արտահանման ներուժը, արտահանման աջակցության կենտրոնի և Ալթայի մարզի փոքր և միջին բիզնեսի ներկայացուցիչների հանդիպումը ՀՀ առևտրաարդյունաբերական պալատի ղեկավարության հետ, անցկացվել են գործարար բանակցություններ, B2B հանդիպումներ, այցելություններ առաջատար հայկական ձեռնարկություններ և այլն:

Միջոցառման հիմնական նպատակներն են՝ արտասահմանյան և հայկական ընկերությունների ներկայացուցիչների միջև բանակցությունների կազմակերպումը, նոր գործարար կապերի հայտնաբերումը, արտահանման և արտաքին առևտրի ծավալների մեծացմանն ուղղված բիզնես գործունեության շրջանակների ընդլայնումը:

Պատվիրակությունների կազմում էին Ռուսաստանի Դաշնության Ալթայի մարզի 4 ընկերությունների ներկայացուցիչներ, որոնք զբաղվում էին հացահատիկի, ձեթի, կրուպեղենի, պատրաստի շիլաների տեսականու, թեյերի, ալյուրների, բուսական յուղերի արտադրությամբ և այլն:

Գործունեության յուրաքանչյուր ոլորտի համար ընտրվել են համապատասխան արտահանման շուկաներ, որոնվել են պոտենցիալ գործընկերներ և կազմակերպվել բանակցություններ շահագրգիռ հայկական ընկերությունների հետ, ինչպես նաև այցելություններ Հայաստանի մասնագիտացված ձեռնարկություններ` արտադրական և առևտրային հնարավորությունները գնահատելու, համագործակցության մանրամասներ քննարկելու, ինչպես նաև փորձի փոխանակման, արդյունաբերական համագործակցության անդրադառնալու և այլն: